港車北上：電動車如何部署？

自去年年底政府公佈將於今年開放「港車北上」後，一直有好多電動車車主詢問駕車入到中國會點樣、充電又會唔會唔兼容等。到底電動車渣車北上可唔可行？

咩係「港車北上」？

廣東省政府喺舊年十二月二十日公布「港珠澳大橋（大橋）港車北上不設配額計劃」（「港車北上」計劃），允許合資格的香港私家車可在喺無須取得常規配額下，經大橋往來香港同廣東省，便利香港居民以自駕的方式到廣東省作短期商務、探親或旅遊。今年五月一日正式宣佈，六月一日上午九口開始接受合資格既香港私家車申請，並於七月一日零時起開始畀已獲批既香港私家車經港珠澳大橋口岸往來香港同廣東省。

國標充電標準

有閱讀過之前 充電標準大不同 呢篇文章既車主們應該都知道中國喺 2015 年公佈 GB/T 2015 標準 (新國標)，為直流及交流電定立一個基本上只有中國電動車會用既標準。佢既交流電標準基本上就係一個公母調轉既 Type 2 (歐洲標準)，而直流標準就近似一個排位不同既 CHAdeMO (日本標準)。以 Tesla 為例，中國巿場售賣既版本配備兩個充電口設計，並設有防呆設計，防止同時插入 AC / DC 兩枝充電槍。

標準唔同，點算好？有無轉接器？

承上文，充電標準可分為交流（AC）及直流（DC），香港大部份電動車均採用 Type 1 (Nissan) 及 Type 2 (Audi, BMW, Hyundai, Kia, Mercedes Benz, Tesla, etc.) 作為 AC 充電標準、CHAdeMO (Nissan) 及 CCS2 (Audi, BMW, Hyundai, Kia, Mercedes Benz, Tesla, etc.) 作為 DC 充電標準。詳細講解可閱讀 充電標準大不同。

交流電技術上比較簡單，有大量充電轉接器配件

目前巿面上有大量充電轉接器配件可供歐標 (Type 2) 或美標 (Type 1) 電動車使用：

模式	車端	牆端	線端	電流	用途	相關產品
Mode 3	Type 1	/	GB/T AC	交流	充電器帶線，只需將充電線接上此轉接器使用
Mode 3	Type 2	/	GB/T AC	交流	充電器帶線，只需將充電線接上此轉接器使用	Duosida

由於大部份收費國標充電器均已自帶充電線，基本上一個 GB/T to Type 2 AC 轉接器即可於中國境內使用大部份交流電充電設施。

直流電技術較為複雜，技術含量高令轉接器價格高昂

由於直流電有較多充電器與車輛之間的數據傳輸，技術上會比交流電轉接器更加複雜。2017 年或之前，中國 Tesla 同香港及其他亞洲地區一樣，採用歐洲標準。後來因應中國規範所有在國內銷售既電動車均需採用國標 GB/T 標準，中國 Tesla 推出一款GB/T DC to Type 2 DC 既轉接器，並免費送比所有 Model S/X 國內車主，而單獨售賣價錢為 2,750 CNY（香港 Tesla 亦曾經在香港發售，售價為 3,127 HKD）。

模式	車端	牆端	線端	電流	用途	相關產品
Mode 4	Type 2 DC	/	GB/T DC	直流	充電器帶線，只需將充電線接上此轉接器使用 （只適用於 2020 年或之前 Model S/X）	Tesla
Mode 4	CCS 2	/	GB/T DC	直流	充電器帶線，只需將充電線接上此轉接器使用 （適用於所有 CCS2 標準電動車）	Electway

截稿時為 2023 年 3 月，中港兩地 Tesla 似乎已經停售這款充電轉接器，官方網店及淘寶旗艦店均已將本產品下架，有車主嘗試聯絡中港兩地 Tesla Service Center，成功訂貨，有需要的 Model S/X 車主可以一試。

2023 年 8 月更新：有車主嘗試向珠海 Tesla 維修中心預訂官方翻新產品，價錢會比全新便宜，不過需要等約一至兩個月。

此外，由於舊版 Tesla Model S/X 採用 Type 2 DC 而非現時 Model 3/Y 及其他本港主流電動車的 CCS2 標準，以上充電轉插器並不適用於所有配備 CCS2 既電動車。

配備 CCS2 既電動車，包括 Tesla、Mercedes Benz、BMW、KIA、Hyundai、BYD、MG 等品牌既車型，均可以選用我地既 GB/T to CCS2 直流轉接器！

將 Tesla 駛至國內，可以正常使用所有功能嗎？

香港版及中國版 Tesla 系統其實有好多唔一樣既地方，所以港版車其實受到好多限制。首先，香港被禁用既功能唔會喺進入中國內地境內之後自動解禁。由於軟件及地圖資料庫雙重限制，瀏覽器、召喚等 香港 Tesla 沒有的十個功能 都不會被解禁。

其次，由於香港使用 Google 地圖，而 Google 地圖喺中國並不能使用，車主一駛過境地圖界面就會變成全白，並顯示地圖被禁用等資料。截至 2023 年 5 月，經過多位車主實測，目前 Tesla 內置 SIM 卡支援中港漫遊，駛入中國境內亦可正常使用手機 App 及 Spotify。最困擾既地方係部份 Tesla Supercharger 設有地鎖，需要喺 Tesla 屏幕上揀選返該充電站先可以睇到地鎖密碼，而香港既車係睇唔到呢項資料，只可以打電話畀當地既 Tesla 熱線查詢或使用第三方軟件（例如小特）開鎖。

差啲唔記得講，由於中國大陸並無 Autopilot 限制，香港 Tesla 入境中國大陸之後，所有道路（只要認到地下劃線標記）均可使用 Autopilot。

我可唔可以喺廣東省既 Tesla 服務中心維修？

疫情前，國內既 Tesla 維修中心係願意幫跨境既港澳 Tesla 進行維修，不過會當作沒有保養處理，車主需自行付費。有長期喺國內既車主分享，中國既維修中心曾經喺疫情期間免費為保養期內滯留喺境內既港澳 Tesla 提供維修服務，未知呢一項政策係唔係永久執行，需要車友們提供更多資料。

總結

總括而言，如果你喺國內會逗留一段時間，可以喺夜晚搵個停車場過夜中叉既話，只要買條 Duosida GB/T to Type 2 轉接器 就可以用到幾乎所有中叉充電站，駕駛電動車北上都尚算 OK。但如果要即日來回或者要渣得比較長途， Tesla Model S/X 可以選購原廠直流 Adapter 使用快充，其他 CCS2 電動車亦可選購我地既 Electway GB/T DC to CCS2 直流轉接器，方便喺國內出行時充電。