Tesla 引入閒置費後一個月，實質效用唔大？ Leave a comment

自從 Tesla 喺 12 月中加入每分鐘 $3.1HKD 既閒置費後，究竟成效有幾大？ 以本人去 Supercharger 目測所見，改善不大。100% L 依然大有人在，而充完唔走既都仲係見唔少。 點解閒置費出左，情況都仲係冇改善？依我估計，大致上有幾個原因︰ 冇乜人知道有閒置費 眾多 Tesla 車主，其實真係會去留意 Tesla 動向既人應該唔多。我知道好多車主都唔用或唔識用甚至唔知有 Tesla Apps。我亦冇收過 Tesla 既 E-mail 講有關 Idle Fee 既野，可想而知其實好多車主都唔知有呢樣野，而咁亦做成第二個原因︰ 冇人知 Tesla 閒置費係咪已經實施 雖然有 Tesla 職員聲稱已開始偵收 Idle Fee，但可信性存疑。照道理，Tesla 係唔可以喺車主未知道充電條款有變既情況下去收車主錢，而正如我上一個 Point 所講，根本好多人唔知有呢樣野，車主更可以知道扮唔知。從法律角度去講，Tesla 可能未有權去收取閒置費。（當然，法律呢家野我真係識條鐵咩，我都係亂 Up，有錯勿插） 100% L 唔會受到影響 充滿先開始收費，其實會更加鼓勵車主 Set Charging Limit 到 100%。而大家都知，除左 Software Locked 既 60 同 60D 之外，所有車充 90% – 100% 係極其龜速既。要避開 Idle Fee，車主只需要將 Limit 由 90% Set 做 100%，就可以慳返起碼半個鐘既 Idle Fee。此風一長，只會做成充電越等越耐既情況。   Idle Fee 有冇用仲係言之過早。隨住明天後新訂既車開始收取 SuperCharger 費用，應該都可以暫時緩和 Supercharger 增長速度遠不及 Tesla 車增長速度既問題。