應該入手 Model Y 嗎？

渣電動車首要考慮既係充電問題。考慮買 Model Y 之前，應該先考慮是否選擇電動車作為你下一架車。
如果你住處或返工地方既停車場可以安裝充電器既話，其實任何電動車都十分合適。自己裝到充電既話，唔一定要買 Tesla 架，因為保險貴，造工等原因，Tesla 未必係你最合適既選擇。
但如果無既話，就要慎重考慮，同埋 Tesla 係你目前最好既選擇。雖然話而家好多停車場都有充電站，但係增長速度遠遠不及電動車交車速度。而且 Tesla 有自己既充電網絡，例如九龍灣 E-Max、尖沙咀 K-11 Musea 等都有好多 Tesla Wall Connector （Tesla 專用中速充電機），更加自設超級充電網絡，對比其他車廠既電動車有先天性優勢。

現時香港有中電、港燈、E-Charge、VGo、Smart Chage、Bolt 六個主要充電網絡，再加上部份商場及住宅自設充電站，可謂花多眼亂。
雖然以上各個充電網絡都有自己既 App ，亦有例如 Plug Share 等網站/軟件作整合，但我個人強烈推薦由 Tesla 元老級車主 Locky 於 2014 年開始無間斷更新既 Tesla Friendly Car Park Map for Hong Kong 。裡面唔單止有齊大大小小既充電站資訊，更提供一啲「地獄場」黑名單，提醒 Tesla 車主唔好中伏。

呢個問題其實好難答。喺唔同地方叉電既、由幾多 % 叉到幾多 % 都十分影響個價錢。正如你渣汽油車入油，得返半缸油去入、落燈去入、無哂油先入，個價錢都唔同。
呢個問題其實需要多提供多幾個變數先可以準確回答：車款、幾多 % 叉到幾多 %、每度電收費。以 Model 3 為例， Standard Range Plus 電池大小為 50kW，Long Range 及 Performance 為 75 kW，自然叉 LR / P 會用得比較多電。出去叉電，例如超級充電收緊 $3.1/kWh、又一城收緊 $2.3/kWh；住宅用電因應每月用電量而定，通常約　$1.X/kWh。可以參考以下呢一篇文章，了解如何計算充電效能及收費。Model Y 確實數據有待公佈，不過應該與 Model 3 相約，可以作為參考。

Model Y 既長、闊、高分別係 4,750mm、1,920mm、1,623mm，軸距為 2,891mm，重量由 1,780kg 至 2,003kg （根據唔同版本有唔同重量）。同 Model S 相比之下，係短及窄啲。同 VW Tiguan 相比，Model Y 係長及闊啲，但無 Tiguan 咁高身。

現時 Tesla 只有兩間工廠 (美國加州及中國上海）生產 Model Y，未來將會增加至四間（德國柏林及美國德州）。但由 2021 年起，Tesla 將全線右軚版 Model 3/Y 移至上海 Gigafactory 生產。我地已經鐵定首批到港 Model Y 一定係上海製造，而之後會唔會引入其他廠房生產既 Model Y 仍係未知之數。

目前 Model Y 仍然係採用 2170 電池。據說之後於美國德州工廠落成後會開始生產配備 4680電池既 Model Y。上海製既 Model Y 有別於加州生產既 Model Y，最平價既 Standard Range 採用寧德時代既 LFP 電池，Long Range 則用 LG 生產既 NCM 電池，Performance 則採用 Panasonic 生產既 NCM 電池。雖然 Long Range 及 Performance 均選用外國品牌，但電池同樣係 Made in China。至於寧德時代既 LFP 電池因為能量密度較 NCM 電池低，因此同級車款會比美國製重（因為要擺多啲電池）。

呢幾組數字其實係代表電池既尺寸。18650 即係電池直徑 18mm、高 65mm；2170 則代表電池直徑 21mm、高 70mm，如此類推。點解有啲有五位數字，有啲又得四位？其實傳統電池都係用五位數字代表其尺寸，但 Tesla 認為四位已經足夠，所以就廢咗最後一個位。因此，如果你見到有人講 21700，其實同 2170 係完全一樣，只係標示方式有少少唔同。

Model Y 定位為家庭車、SUV，遺憾地，Model 3 Performance上既 Track Mode 並無放落 Model Y 之上。換然之，你唔可以喺 Model Y 上自由選擇將架車變成 100% 前驅、 100% 後驅、前 6 後 4 等等，亦唔可以好似 Model 3 咁按兩個制熄哂所有 Traction Control。

個人建議：Standard Range 不考慮，Long Range 起步，有 Budget 就直上 Performance。：Long Range 只係比 Standard Range 貴 4 萬 8，但係擁有更長續航、四驅、LG 電池、快 0.6 秒、20 吋鈴，絕對值得。當然，如果渣得快又有 Budget 既朋友，Performance 既 3.7 秒加速更加係值得擁有。

Standard Range 採用既 LFP 電池雖然能量密度比較低，但係可以充放至 100%。而且有數據顯示，電池壽命會比 NCM 長。Tesla 為 Standard Range 提供 8 年或 160,000 公里（以先達者為準）保養。
Long Range/Performance 採用既 NCM 電池就唔建議充到 100%，除非要渣長途，否則建議車主充到 80% – 90% 就夠。Tesla 為 Long Range/Performance 提供 8 年或 192,000 公里（以先達者為準）保養。

首先，要留意返 Model Y 七座只限 Standard Range 及 Long Range，如果係諗住買 Performance 既朋友已經可以唔使考慮。好多人，特別係香港，會覺得多兩個位就係多兩個位。的確，我自己都諗咗好耐要唔要個第三排。YouTube 有唔少影片都有大小朋友坐上去之後既效果，的確係十分窄，個頭仲突埋出去尾箱。如果真係有興趣七座，真心可以等香港有 Demo 車後現場試坐後再作考慮。

Tesla 既白色座椅有特別塗層，比其他座椅更抗污。不過，再鋒利既刀都有生銹既一日，塗層亦都會慢慢磨蝕，打理白色籠需要更加勤力。如果你經常打理車箱，可以考慮白色籠，否則，乖乖地揀黑籠啦。

Tesla 內置好多好正既功能，但由於每個國家政策有異，所以都會因異相關法規而增減功能。
以下係香港版 Tesla 被閹割既功能：
– 召喚 Summon
– 智慧召喚 Smart Summon
– 交通燈辨識 Traffic Light Recognition
– 全自動駕駛顯示 Full Self-Driving Visualization
– 劇院模式 Theatre (包括 Netflix, YouTube 等)
– 卡啦 OK Caraoke
– Boombox
– 行事曆 Calendar
– 瀏覽器 Browser

此外，Autopilot 亦被限制只可以在指定快速公路上使用。

唔準。唔同國家有唔同既計算標準，其中比較主流既有 NEDC（歐洲）、EPA（北美）、WLTP 等標準。香港公佈既續航力係根據 WLTP 所測試。由於測試喺特定條件下進行，以 WLTP 為例，會以超高、高、中、低速四個部份進行測試，因此未必能準確反映實際情況。喺香港，因為車輛較常於巿區多燈位路面行駛，對車輛續航力其實大打折扣。

香港 Model 3 Standard Range Plus 官網標示續航力 448km，我曾經喺 K11 Musea Tesla Showroom 聽到一位 Tesla Sales 聲稱喺香港可以行到大概 300 公里，我真係嚇一跳，然後得啖笑。因為我部 Model 3 Standard Range Plus 頂盡 (99% – 1%) 行到 220 公里就要叉電。正常由 90% 行到 20%，我諗只係行到 180 公里左右。

同唔同既車友傾過，大家都一致認為上海廠既出廠 Alignment 質素係比較好。不過，油漆質量就比加州工廠差，特別係黑色。

根據現有資訊，Standard Range 將會搶先於 9 月下旬交車，Long Range 及 Performance 將會於今年年底交車。至於七座暫時仲未開於預訂，預計要等到明年年中先會交車。

可以直接喺 Tesla 官網預訂（用埋呢條連結，仲可以額外享有 1,500km 超級充電 Credit)，利用信用卡支付 $1,000 訂購費，之後會有 Tesla 職員聯絡你。你亦可以前往位於九龍灣 E-Max、灣仔 QRE 或 尖沙咀 K-11 Musea 既 Showroom 搵 Sales 落訂，訂購時提供埋以下 Referral Code “karhosamuelchan2829” 亦都可以得到 1,500 超級充電 Credit 架！

未收車既車主可以加入以下 Telegram 群組同其他 Model S/X/3 既車友交流吓！
https://t.me/teslatalk